(રાધા સંગ કા’નો ભીંજાઈ રે…)

સંગીત સંયોજન: રિષભ ગ્રુપ
સ્વર: અચલ મહેતા

જમુના ને કાંઠે કા’નો વાંસળી વગાડતો
સૂર એના એવા રેલાઈ રે…
વાંસળીના સૂર સૂની, ગોપીઓ ભાન ભૂલી
સૂર એના એવા રેલાઈ રે…

ઝરમર ઝરમર મેહુલિયો વરસે,
રાધા સંગ કા’નો ભીંજાઈ રે…
કાળી કાળી વાદળીમાં વીજળી ઝબૂકી,
બારે મેઘ આજે મંડાઈ રે…
જમુના ને કાંઠે…

મનમાં મારા ઉમંગ એવો જાગ્યો,
મીરાં થઇ તુજમાં સમાઈ જાઉં…
વિરહની વેદના હવે સહાય ના,
ઓ શ્યામ, મુજને સમાવી લે…
જમુના ને કાંઠે…

-કવિ ?