લોકખ્યાત ત્રિપુટી શ્યામલ, સૌમિલ અને આરતી મુનશી ચાર સંગીતકારો સાથે ગુજરાતી સુગમ સંગીતની ધૂમ મચાવવા માટે અહીં અમેરીકામાં પધાર્યા છે.  તેઓનાં પ્રોગ્રામો ઘણા શહેરોમાં ગોઠવાઈ ચૂક્યા છે.  જૂલાઈ માસમાં બોસ્ટન અને શિકાગોનાં લોકોને પોતાના સુમધુર સંગીતનું તેઓ ઓલરેડી પાન કરાવી ચૂક્યા છે અને ઑગષ્ટ માસનાં એમના પ્રોગ્રામોની તારીખો નીચે મુજબ છે:

એટલાન્ટા (GA) - ઑગષ્ટ 15
બર્મિંગહામ (AL) - ઑગષ્ટ 16 અને 17
ઓરલાન્ડો (FL) - ઑગષ્ટ 22
લેક્ઝિન્ટન (KY) - ઑગષ્ટ 23
ન્યુ જર્સી (NJ) - ઑગષ્ટ 25 થી 31 સુધી તેઓ ’ચાલો ગુજરાત’માં અમારા મહેમાનો બનશે… અને ત્યાં તમને ડિનર સાથે તેમનાં સુંદર ગીત-સંગીત માણવાનો લ્હાવો પણ મળશે.

વધુ માહિતી માટે અથવા તમારા શહેરમાં પ્રોગ્રામ ગોઠવવા માટે તમે સૌમિલભાઈનો સીધો સંપર્ક આ ફોન નંબર ઉપર કરી શકો છો… 1-630-881-8012  અથવા એમને અહીં ઈમેલ પણ કરી શકો છો… saumilmunshi@gmail.com & saumilmunshi60@yahoo.co.in

એમનાં મોરપિચ્છ, મેઘધનુષ, અલકમલક (મેઘધનુષ-2), રંગતાલ અને હસ્તાક્ષર ગીતોનાં આલ્બમો તમને એમની પાસેથી મળી રહેશે.

‘મેઘધનુષ’નું મારા દિકરાનું એકદમ ફેવરીટ સોંગ એટલે આ પ્રાર્થના-ગીત.  નાનો હતો ત્યારથી એને આ આખું ગીત મોઢે થઈ ગયું હતું અને એ આખા ગીત પર એ રોજ નૃત્ય કરતો… અને એ હજીયે કરે છે. એમાંયે એને છેલ્લી લીટી ઉપર નાચવાનું તો અતિશય ગમે છે… અને એકવાર સાંભળવાથી તો એ ક્યારેય ધરાઈ જ નઈં, થોડો વખત તો મારે આ ગીતને બસ રીપીટ જ કર્યા કરવું પડે… :-) 

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

મારા પ્રભુ તો નાના છે,
દુનિયાના એ રાજા છે.

આભે ચડીને ઊભા છે,
સાગર જળમાં સૂતા છે.

યમુના કિનારે બેઠા છે,
મીઠી બંસી બજાવે છે.

પગમાં ઝાંઝર પહેર્યા છે,
છનનન છનનન નાચે છે.

*

આ સાથે જ વાંચો હિમાંશુભાઈ કિકાણીનો આ સંગીતમય મુનશી પરિવાર સાથે એમણે ગાળેલા થોડા સમય વિશેનો એક ખૂબ જ સ-રસ લેખ… આજે નેટ પર કંઇક શોધવા જતા અનાયાસે જ મને મળી ગયો… અને ખરેખર વાંચવાની ખૂબ જ મજા આવી… ભાષાપ્રેમથી સભર સંગીત !

*

અમેરીકામાં સંગીતની સફર માટે આપણા સૌની પ્રિય એવી આ મુનશી ત્રિપુટીને મબલખ હાર્દિક શુભકામનાઓ.