સૌ મિત્રોને, Happy Valentines Day !!
( ઢળતા સૂરજની સામે સમંદરની રેતમાં… )
આલ્બમ: હસ્તાક્ષર
સંગીત: શ્યામલ-સૌમિલ મુન્શી
સ્વર: સાધના સરગમ, રૂપકુમાર રાઠોડ
ના તને ખબર પડી, ના મને ખબર પડી,
કે હું પ્રેમમાં પડ્યો કે તું પ્રેમમાં પડી;
કારણમાં આમ કઇ નહીં, બે આંખ બસ લડી,
ને હું પ્રેમમાં પડ્યો કે તું પ્રેમમાં પડી.
બંનેના દિલ ઘડકતા હતા જે જુદા જુદા,
આ પ્રેમ એટલે કે એને જોડતી કડી;
શરમાઈ જતી તોય મને જાણ તો થતી;
મારી તરફ તું જે રીતે જોતો ઘડી ઘડી.
હૈયું રહ્યું ન હાથ, ગયું ઢાળમાં દડી;
મેળામાં કોણ કોને ક્યારે ક્યાં ગયું જડી.
ઢળતા સૂરજની સામે સમંદરની રેતમાં
બેસી શકે તો બેસ અડોઅડ અડીઅડી;
મારા વિના ઉદાસ છું તે જાણું છું પ્રિયે
મેં પણ વિતાવી કેટલી રાતો રડી રડી.
મેં સાચવ્યો ’તો સોળ વરસ જે રૂમાલને;
તું આવ્યો જ્યાં નજીક ને ત્યાં ઉકલી ગઇ ગડી.
-તુષાર શુક્લ
[...] પ્રેમમાં પડ્યો કે તું પ્રેમમાં પડી. ના તને ખબર પડી -તુષાર શુક્લ [...]
વાહ.. સુંદર ગીત..
મેં સાચવ્યો ’તો સોળ વરસ જે રૂમાલને;
તું આવ્યો જ્યાં નજીક ને ત્યાં ઉકલી ગઇ ગડી.
- આ બે કડીઓ આખા ગીતની જાન છે…
વારંવાર સાંભળ્યું
આ પંક્તીઓ
બંનેના દિલ ઘડકતા હતા જે જુદા જુદા,
આ પ્રેમ એટલે કે એને જોડતી કડી;
શરમાઈ જતી તોય મને જાણ તો થતી;
મારી તરફ તું જે રીતે જોતો ઘડી ઘડી.
હૈયું રહ્યું ન હાથ, ગયું ઢાળમાં દડી;
મેળામાં કોણ કોને ક્યારે ક્યાં ગયું જડી.
બધા જ સાંભળનારાએ કહી
વાહ
સરસ શબ્દો, સુમધુર સંગીત, કર્ણપ્રિય સ્વર
-હર્ષદ જાંગલા
એટલાન્ટા, યુએસએ
વારવાર સાભળવુ ગમે એવુ ગીત.
EXCELLENT AUDIO GEET SAUMIL SHYAMAL ARTI MUNSHI & TUSHAR SHUKLA DESERVE ALL COMPLIMENTS!!!!!!!!!!!!
CONGRATULATIONS!!!!!!!!!!!!!
FOR KEEPING IT WITH YOUR BLOG BIG THANKYOU TO YOU ALSO
Mahesh Naik
પદ્યા તો થિક પન કેવુ લગ્યુ?