પાંચ-છ વરસ પહેલાં ગુજરાતી સાહિત્યના એક નવા જ યુગનો આરંભ થયો. ‘ગુજરાતી ભાષા મરવા પડી છે’ના નારાઓ જ્યારે પૂરજોશમાં હતા એવા એક સમયે વિદેશમાં વસતા બે-ચાર જણે ગુજરાતી બ્લૉગની શરૂઆત કરી. શરૂઆતની થોડી ઉદાસીનતા બાદ બ્લૉગ્સની લોકપ્રિયતા વધવા માંડી અને આજે આ બ્લૉગ્સ ઇતિહાસ રચવાની ઘડીએ આવી ઊભા છે. આ બ્લૉગ્સ હવે ગુજરાતી ભાષાનું નવું સરનામું બનનાર છે.. મરણાસન્ન ભાષા માટે આ બ્લૉગ્સ એક સંજીવની બનીને આવ્યા છે… જે યુવાન પેઢી ગુજરાતીથી સાવ વિમુખ થતી જણાતી હતી એ જ યુવાપેઢીના હાથમાં બહુધા આ બ્લૉગ્સની લગામ છે… આજે તો હવે બિલાડીના ટોપની જેમ ગુજરાતી બ્લૉગ્સના રાફડા ફાટી નીકળ્યા છે પણ મોટા ભાગના બ્લૉગ્સ સ્થાપિત બ્લૉગ્સની નબળી નકલ અથવા ટૂંકી રેસના ઘોડા સાબિત થાય છે… બહુ ઓછા બ્લૉગ્સ અને સાઇટ્સ છે જે સમય અને ગુણવત્તાની - એમ બંને એરણ પર સો ટચનું સોનું સાબિત થાય છે…
ઊર્મિસાગર.કોમ સો ટચના સોનાની યાદીમાં આવતી અગ્રેસર વેબસાઇટ છે.
(સફળતાનો રસ્તો… લિબર્ટી પાર્ક, ન્યુ જર્સી, ઓક્ટો-2009… ફોટો : વિવેક ટેલર)
આજે દસ જુન… ઊર્મિસાગર.કોમની યાત્રા શરૂ થયાના ચાર વરસ પૂરાં થયા.. પાછું વળીને જોઉં છું તો આ યાત્રા ખાસ્સી સંતર્પક લાગે છે… ઊર્મિસાગર.કોમની બંને શાખાઓ- ગાગરમાં સાગર અને ઊર્મિનો સાગર- ગુણવત્તા અને સાતત્યની કસોટી પર ખરી ઉતરી છે. ઊર્મિની કવિતાઓમાં પણ સમય સાથે નિખાર આવતો આપણે સહુએ સાથે મળીને જોયો છે. હવે એની કવિતાઓ વિદેશના સામયિકોમાં પ્રગટ થાય છે અને ગુજરાતના લબ્ધપ્રતિષ્ઠ સામયિકમાં એના વિશે ટિપ્પણી પણ આવે છે. એ કવિ સંમેલનોમાં મુખર થઈ રહી છે તો એની કવિતાને ચિનુ મોદી જેવા દિગ્ગજો બિરદાવે પણ છે…
આજના આ સોનેરી દિવસે સાઇટની વર્ષગાંઠ નિમિત્તે મારી ભીતર જે ખુશી અને શુભ-ઇચ્છાનું ઝરણું ફૂટી નીકળ્યું છે એને તો આ કાગળને તાર-તાર ભીનો કરવા જ દઈશ પણ સાથે એ પણ યાદ કરાવવા ઇચ્છીશ કે આ કોઈ સીમાચિહ્ન નથી, આ તો માઇલ્સ્ટોન છે… હજી તો ઘણા ગાઉ કાપવાના બાકી છે… હજી તો ઘણા ગઢ સર કરવા બાકી છે અને સીમાચિહ્ન તો આખી સફરના અંતે છેક છે… હવે એ દિશામાં પ્રયાણ હો…
અંતે ઊર્મિની એક સુંદર ગઝલ:
આભ ગોરંભાઈ ગ્યું છે એ જ લખવાનું સખા !
તોયે ગુલાબી થયું છે એ જ લખવાનું સખા !
એક પંખી ફરફર્યું છે એ જ લખવાનું સખા !
એક પીંછું પણ ખર્યું છે એ જ લખવાનું સખા !
રાતભર આ લોચને પીડા પ્રસવની ભોગવી,
એક સપનું અવતર્યું છે એ જ લખવાનું સખા !
એમ તો લૂંટાવી દીધી છે હૃદય મિરાત, પણ-
એક સ્મરણને સાચવ્યું છે એ જ લખવાનું સખા !
દિલના દર્દોની કથા વિસ્તાર સંભળાવ્યા પછી,
કેટલું આ દિલ બળ્યું છે એ જ લખવાનું સખા !
કેટલી ઊંચી ચણી’તી ‘હું’પણાની ભીંત મેં !
ભીંતમાં કાણું પડ્યું છે એ જ લખવાનું સખા !
કેટલાં દરિયા વલોવ્યાં ને ઉલેચ્યાં, આખરે-
‘ઊર્મિ’નું મોતી જડ્યું છે એ જ લખવાનું સખા !
*
કાલથી એક અઠવાડિયા માટે અહીં કાવ્યપઠન-સપ્તાહની ઉજવણી રાખી છે… તો આ ઉજવણીમાં સૌને પધારવાનું ને ભાગ લેવાનું અમારું હાર્દિક આમંત્રણ. તો ચાલો આપણે રાહ જોઈએ કે કાવ્યપઠનનાં કયા કયા મોતીઓ કાલથી ઊર્મિ અને જયશ્રી લઈને આવે છે…
[...] આજે આ ઊર્મિનાં સાગરની ચોથી વર્ષગાંઠ છે… આજે ખાસ ઊર્મિસાગર.કૉમનાં [...]
અભિનન્દન
આજ ના ખાસ દિવસે ખૂબ ખૂબ અભિનંદન બેના.. Happy Birthday to our darling website. તારી ગાગરમાં ભરેલા ઊર્મિના સાગરમાંથી ગુજરાતી સાહિત્યને અવનવા મોતીઓનો ખજાનો હંમેશા મળતો રહે એવી અમિત શુભેચ્છાઓ…!!!
ઊર્મિના સાગરને ચતુર્થ વર્ષગાંઠ નિમિત્તે સાગર જેવીજ અમાપ શુભેચ્છાઓ.
અને શ્રી વિવેકભાઈનું ઊર્મિલ પ્રસ્તુતિકરણ પણ ભાવવાહી રહ્યું.પ્રસ્તુત ગઝલ પણ એટલી જ ગમી.
-અભિનંદન અને શુભેચ્છાઓ.
અભિનંદન…અભિનંદન
પ્રિય ઉર્મિ,
ખુબ ખુબ અભિનન્દન તારી આ ચાર વર્ષની શુભ યાત્રાની સફળતા માટે ! હજુ વધુ સોપાનો સર કરો અને વધુ સફળતા મેળવો તેવી શુભેછાઓ. ખુબ પ્રેમ સહિત,
દિનેશ અંકલ,સનીવેલ, કેલીફોર્નિઆ,યુ.એસ.એ.
શ્રી ઊર્મિબેન જન્મદિવસના ખુબ ખુબ અભિનદન, શુભકામનાઓ, અમારે માટે ખુબ ગૌરવની વાત છે,અનાવિલ તરીકે આપશ્રીએ કાવ્ય, કવિતાના સાહિત્યમા ઊંચી ઉડાન લગાવી છે એટલે આપને વ્યક્તિગત પણ ખુબ ખુબ અભિનદન, નિયમીત કેનેડાના નિવાસ દરમ્યાન જીવંત રહેવાનુ બળ પ્રાપ્ત કરાવવામા ઊર્મિસાગરે મહત્વનો ફાળો આપ્યો છે, એટલે ઋણસ્વિકારની સદભાવના સાથે શુભેચ્છાઓ……….ખુબ જીયો હજારો સાલ……………
congratulation
ચોઠી વર્ષગાંઠના ખૂબ ખૂબ અભિનંદન
અને
ઊર્મિસાગર.કોમ સો ટચના સોનાની યાદીમાં
આવતી અગ્રેસર વેબસાઇટને
સલામ
અભિનંદન અને અનેક શુભેચ્છાઓ પાઠવું છું.
http://www.girishparikh.wordpress.com બ્લોગ તમારા કાર્યથી પ્રેરણા મેળવે છે. એ બ્લોગને સો ટચનું સોનું બનાવવા પ્રયત્નશીલ છું.
ઉર્મિજિ,,,
ઉર્મિસાગર.કોમ ને ખુબજ અભિનન્દન ચોથા વર્ષ પુરા કરિ ને
આગડ પગથિયા ચડવા બદલ્…ને ગુજરત નુ ગર્વ ઉમેરર્યુ
ખુબ ખુબ આભાર….
ચન્દ્ર.
હાર્દિક અભિનન્દન ઉર્મિ ..!!
ખૂબ ખૂબ અભિનંદન. ઊર્મિસાગર.કોમની બંને શાખાઓ- ગાગરમાં સાગર અને ઊર્મિનો સાગર પર સાતત્યપૂર્વક અન્યની અને અંગત રચનાઓનું ગુણવત્તાસભર ચયન માણવા મળે છે. સહિયારું સર્જનથી શરૂ થયેલ આ યાત્રા એક પછી એક સોપાનો સર કરતી આગળ વધે એવી શુભેચ્છાઓ.
સખા રદીફવાળી આ ગઝલ સરસ થઈ છે.
કેટલાં દરિયા વલોવ્યાં ને ઉલેચ્યાં, આખરે-
‘ઊર્મિ’નું મોતી જડ્યું છે એ જ લખવાનું સખા !
આ અનંત દરિયાઓ વલોવાતા, ઉલેચાતા રહે અને સહુને મોતી વેરતાં રહે એવી આશા સાથે…
ગાગરમાં સાગર ભરી, માતૃભાષાને સદા જીવંત રાખવા ..એક અનોખો ભેખ ધારણ કરી.એતો વહેચી રહી છે..
કોઈ કવિતા, કોઈ ગઝલ..જેમાં ભરી છે ભાત ભાતની વાત…
ભરીલો ભંડાર ભાઈ…આજ ભરપૂર સાહિત્ય સરિતા વેહે છે..અમેરિકા દેશમાં ..
આ ઉર્મિ વહેછે..પવિત્ર ઝરણું બની..અમેરિકા દેશમાં..
લાખ, લાખ અભિનંદન..
વિશ્વદીપ
વધાઇ હો વધાઇ..ઉર્મિ..હાર્દિક અભિનંદન…અને મબલખ શુભેચ્છાઓ ..દરિયા ઉર્મિના સાગર જેટલા વહાલ સાથે
ઊર્મીબેન, અભિનંદન સાથે ગુજરાતી સાહિત્યની સુગંધ પ્રસરાવવા માટે
અનેક માઈલ સ્ટોન સાગરના તરંગો પર લહેરાવતા રહો ,એવી શુભેચ્છા.
રમેશ પટેલ(આકાશદીપ)
ખૂબ ખૂબ અભિનંદન, ઊર્મિ !
અભિનંદન !
ઊર્મિસગરના ભાતભાતના પીરસણા મળે છે અને આરોગવાની મજા આવે છે.
ખુબ ખુબ અભિનંદન. આપ આપણા દેશની મોંઘવારીની જેમ સતત તરક્કી કરતા રહો એવી શુભેચ્છાઓ.
કહો આ આપણા સંબંધની ના કઇ રીતે કહેશો?
કે મારે ત્યાંથી નીકળી આપને ત્યાં જાય છે રસ્તો.
આભિનન્દન!
ખુબ ખુબ અભિનન્દન.આપનેી યાત્રા આગળ વધે એવી શુભેચ્છાઓ.
શુભેચ્છાઓ…..
ચોઠી વર્ષગાંઠના ખૂબ ખૂબ અભિનંદન…
चार वर्षोनो प्रवास अन्य अक्षुण्ण प्रदेशोमां भ्रमण करवानी प्रेरणा मात्र ऊर्मिबहेनने नहि पण एमना सहप्रवासीओने पण आपे अने एमना द्वारा गिरा गूर्जरीनी अमूल्य सेवा थती रहे एवी शुभेच्छाओ!
વ્હાલા વિવેકનો અને આપ સૌ પ્યારા મિત્રોનો જેટલો પણ આભાર માનું એટલો સદા ઓછો જ રહેવાનો… સૌને સ્નેહભર્યા સલામ !
[...] ચોથી વર્ષગાંઠ નિમિત્તે આજથી શરૂ થતા કાવ્યપઠન [...]
ખુબ ખુબ અભિનન્દન તારી આ ચાર વર્ષની શુભ યાત્રાની સફળતા માટે!વધુ સોપાનો સર કરો અને વધુ સફળતા મેળવો તેવી શુભેછાઓ.
ખૂબ ખૂબ આભાર હરદ્વારભાઈ… અહીં તમારા પગલાં જોઈને મને ખૂબ્બ જ આનંદ થયો.