(ઉપવનમાં તો અજવાળુ અજવાળુ… ફોટો: વેબ પરથી)
સ્વરકાર: અમર ભટ્ટ
સ્વર: ઝરણા વ્યાસ અને સોનિક સુથાર
આલ્બમ: વિદેશિની
(આ આલ્બમનાં બધા ગીતોની ઝલક અહીં સાંભળો!)
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ફુલ ખીલ્યું ને ઉપવનમાં તો અજવાળું અજવાળું,
ભમરાઓ તો મનમાં ગૂંજે ગીત ગહન મર્માળુ.
વાસંતી સંદેશો લઈ મન ઉડે આમ ને તેમ,
દિશ દિશમાં સુગંધી, સૂરજ છલકાવે છે પ્રેમ;
કંઠ ઝનકતી કોયલને હું કેમ કરી સંભાળું ?
ફુલ ખીલ્યું ને ઉપવનમાં તો અજવાળું અજવાળું.
આપણ ક્યાંય જવું નથીજી, ઉડે સૂર-ગુલાલ,
એકમેકનાં રંગેસંગે આપણ ન્યાલમ ન્યાલ;
આંખોમાં રેશમિયા મનનાં સપનાને પંપાળું,
ફુલ ખીલ્યું ને ઉપવનમાં તો અજવાળું અજવાળું.
‘ફુલ’ ખીલવાની ઘટના ઘટે તો આખાયે ‘ઉપવન’માં અજવાળું અજવાળું તો થાય જ ને… સુંદર ગીતને સુમધુર ગાયકીએ વધુ નિખાર્યુ હોય એમ લાગે છે.
* મારા ‘ઉપવન’માં ‘ફુલ’ ખીલવનાર મારી ‘વસંત’ને જન્મદિવસની વધામણી સાથે આ ગીત અર્પણ ! 
કંઠ ઝનકતી કોયલને હું કેમ કરી સંભાળું ?
ફુલ ખીલ્યું ને ઉપવનમાં તો અજવાળું અજવાળું.
વાહ્!!!! દિલ બાગ બાગ થઈ ગયું.
મનને આનંદ થી તરબતર કરી દે તેવું મધુર ઊર્મિકાવ્ય.
આંખોમાં રેશમિયા મનનાં સપનાને પંપાળું,
ફુલ ખીલ્યું ને ઉપવનમાં તો અજવાળું અજવાળું.
પુષ્પના ખીલવાની વાતને પ્રકાશ પાથરનારી કલ્પના ઘણી જ ગમી.ઉપવન,ભમરા,સુગંધ અને અજવાળું મળીને જે રેશ્મી સપનુ આકાર લઈ શકે તે કલમની કમાલ જ છે. રાજેન્દ્ર નામજોશી - વૈશાલી વકીલ (સુરત )
સુંદર કાવ્ય… વારંવાર માણ્યું અને દરવખતે મન પ્રફુલ્લિત થઈ ગયું…
પન્નાબેન, અમરભાઈ તેમજ બને ગાયકોએ અતિસુંદર કામ કર્યુ છે.અભિનંદન !
દિનેશ ઓ.શાહ, ધર્મસિંહ દેસાઈ યુનિવરસીટી, નડિયાદ, ગુજરાત,ભારત
‘વસંત’ને વર્ષગાંઠ મુબારક ! સરસ ગીત !
સરસ સુન્દર્
વાહ ! ખૂબ સુંદર ગીત ! વારંવાર સાંભળવાનું ગમે તેવુ મજાનુ ગીત!
ફુલ ખિલ્યુ ને ઉપ્વનમા તો અજ્વાળુ અજવાળુ…કેટ્લુ સુન્દર્….હે ને
Excellent Song and Superb Composition….I have sung this few times Proffesionally,Enjoyed it.