આજે દિવ્યા મોદીની એક તાજી ગઝલ…
(કે શિયાળો પણ મળે તો ખૂબ હૂંફાળો મળે… ફોટો: વેબ પરથી)
જિંદગીનો એ રીતે બસ અર્થ મર્માળો મળે,
કે શિયાળો પણ મળે તો ખૂબ હૂંફાળો મળે.
એક આખું આયખું કોરા રહી જીવી ગયા,
આંખની ભીનાશમાં એ વાતનો તાળો મળે.
કોયલોને બાગમાં જો મ્હેકતો માળો મળે,
વૃક્ષની હર ડાળ પર ટહુકાનો સરવાળો મળે.
સૂર્યને પીધા પછી બપ્પોર જ્યાં આડી પડે,
ત્યાં અચાનક વિસ્તરેલો કોઈ ગરમાળો મળે.
વ્હાલની મટકી લઈને આવનારા શખ્સને,
આ જગત આખા તરફથી કાંકરીચાળો મળે.
હાથમાં મારા, તમારી આ હથેળી લઉં અને
ધોમધખતા રણ વચાળે દ્વીપ હરિયાળો મળે.
- દિવ્યા મોદી
આમ તો વાંચતાવેંત જ ગઝલનાં બધા જ શે’રો ગમી ગયા, પરંતુ કોરા આયખાનો તાળો આંખની ભીનાશમાં મળવાવાળી વાત સાવ સોંસરવી ઉતરી ગઈ…!! આ જ રદીફ અને કાફિયાની સાવ અલગ જ પ્રકારની વિવેક ટેલરની એક ગઝલ પણ અહીં માણવા જેવી છે…
સુંદર ગઝલ…
એક આખું આયખું કોરા રહી જીવી ગયા,
આંખની ભીનાશમાં એ વાતનો તાળો મળે.
- આ શેર તરત જ સ્પર્શી ગયો…
સરસ ગઝલ.બધા જ શેર ગમી જાય એવા છે.
એક આખું આયખું કોરા રહી જીવી ગયા,
આંખની ભીનાશમાં એ વાતનો તાળો મળે.
હર્દયસ્થ ઊર્મિ ઉછળી ગઈ આ શેરથી.
વળી થોડુક ઉમેરવાની ગુસતાખી કરવાની ઇચ્છા થઈ ગઈ
એક આખું આયખું કોરા રહી જીવી ગયા, એક ઝન્ખના છે કે કોઇ સારો સથવારો મળે.
વાહ…!
એક આખું આયખું કોરા રહી જીવી ગયા,
આંખની ભીનાશમાં એ વાતનો તાળો મળે
ક્યા બાત હૈ !
સૂર્યને પીધા પછી બપ્પોર જ્યાં આડી પડે,
ત્યાં અચાનક વિસ્તરેલો કોઈ ગરમાળો મળે.
વ્હાલની મટકી લઈને આવનારા શખ્સને,
આ જગત આખા તરફથી કાંકરીચાળો મળે.
હાથમાં મારા, તમારી આ હથેળી લઉં અને
ધોમધખતા રણ વચાળે દ્વીપ હરિયાળો મળે.
- સરસ !
હાથમા મારા, તમારિ આ હથેળિ લઈ લઉ અને
ધોમધખતા રણ વચાળે દિપ હરિયાળો મળે
“વાહ દિવ્યાબેન નિ ગઝલ બહુજ પસન્દ આવિ.
ચન્દ્રા
“કોઈ”ને કોઈ મળી જાય એટલે આખો જન્મારો મળ્યાનો આનંદ એ જ પ્રેમની અનુભુતી…….
સુંદર..ભાવવાહી ગઝલ.
બધા જ શેર ધ્યાનાર્હ થયા છે. અભિનંદન
કોયલોને બાગમાં જો મ્હેકતો માળો મળે,
વૃક્ષની હર ડાળ પર ટહુકાનો સરવાળો મળે.
ટહુકાનો સરવાળો શોધવાની મથામણ સરસ રહી,સુંદર રચનાઆભિનંદન.
-રાજેન્દ્ર નામજોશી - વૈશાલી વકીલ (સુરત )
વાહ સરસ ગઝલ….
ખુબ સુંદર ગઝલ
લતા હિરાણી