લયસ્તરોને આજે પાંચમી વર્ષગાંઠે મબલખ હાર્દિક શુભેચ્છાઓ…
(હરિ તમારી કટ્ટી…)
હરિ તમારી કટ્ટી !
કડવી કડવી જિંદગી આપી વાત કરો ગળચટ્ટી !
લોકલ ટ્રેનમાં ઊભા રહીને એક દિવસ તો આવો,
હું ય જોઉં છું, કેમ કરીને બંસી તમે બજાવો !
યાદ આવશે પળભરમાં તો ગયા જનમનાં ઘાવો,
કાશી હો કે કુરૂક્ષેત્રે હો, બધ્ધે પીડે અભાવો,
દરેક યુગને માપવાની આ જુદી જુદી ફૂટપટ્ટી,
હરિ તમારી કટ્ટી !
કદીક ધરતીકંપ કરાવો કદીક લાવો પૂર,
અજગર જેવો દુકાળ દઈને કેમ ભીંસો ભરપૂર ?
છાતીમાં છે ધબકારા પણ ધબકારામાં ઝૂર,
નીર ખૂટ્યા છે ધરતીના ને નભના ખૂટ્યા નૂર,
અડતાવેંત જ લોહી નીકળે એવી થઈ છે મટ્ટી,
હરિ તમારી કટ્ટી !
-હિતેન આનંદપરા
(સૌજન્ય: જયદીપનું જગત)
આમ વ્યવહારમા આટલા શબ્દોતો આપણે આમેય બોલતા હોઇએ અને તેટલા જ શબ્દોથી કવિએ કેવુ સરસ શબ્દ ગુન્ફન કર્યુ ! લાગેછે કે કવિ થવાતુ નહિ હોય પરન્તુ જન્મવુ પડ્તુ હશે.
વાહ યાર.. શું ગીત છે ! ભગવાન જોડે તો કવિ જ કીટ્ટા કરી શકે… મજા આવી ગઈ, હિતેનભાઈ…
શું ગીત છે ! ભગવાન જોડે તો કવિ જ કીટ્ટા કરી શકે…
હરિ તમારી કટ્ટી !
મારી ગમતી વાત અને ગમતું ગીત !!
લોકલ ટ્રેનમાં ઊભા રહીને એક દિવસ તો આવો,
હું ય જોઉં છું, કેમ કરીને બંસી તમે બજાવો !
હિતેનભાઈ,ખુબજ સરસ કલ્પન અને સુન્દર રજુઆત,હરિ સાથે વાત કરવાની તમારી રીત પસન્દ આવી ગઈ. -રાજેન્દ્ર નામજોશી -વૈશાલી વકીલ,સુરત
ક્ ટ્ટી ભ લે ક રી બિ લ્લા જ્લ્દી ક્ રી લે જો……
Hello Hitenbhai.. Nice one..
મજા આવી ગઈ!
આ કવિતા વાંચી મન વિચારતું થઈ ગયું.ભાઈ ભગવાન સાથે તો કવિ જ નારાજ થઈ કિટ્ટા કરી શકે.કવિ હમેશા ચાલુ ચીલા ચાતરી વિચારતો હોય છે. કવિ ક્યારેક “હરિ તુમ હરો જન કી ભીર”અને કયારેક હિતેન જેવા બળવાખોર કવિ ગાય,
“યાદ આવશે પળભરમાં તો ગયા જનમનાં ઘાવો,
કાશી હો કે કુરૂક્ષેત્રે હો, બધ્ધે પીડે અભાવો,
દરેક યુગને માપવાની આ જુદી જુદી ફૂટપટ્ટી,
હરિ તમારી કટ્ટી !”
બિલ્લા કરવા થોડી કીટ્ટા કરી છે? નારાજી હરિ જ દુર કરશે.કવિશ્રી હિતેન આનંદપરાને બે હાથે જબરી સલામ્.
મારી પત્નિ જ્યોત્સ્ના આ કવિતા સાંભળી ખુબ હસી.મે તેને વાંચી સંભળાવી હતી..
વાંચતા જ ગમી જાય એવું ગીત.
રમેશ પારેખ તળપદી બાનીમાં હરિ સાથે રૂસણું લે તો હિતેન આનંદપરા મહાનગરમાં ભીંસાતા અને છાપા વાંચી જીવતા માનવીની બાની લઈ આવે.
લયસ્તરોને જન્મદિન મુબારક.
સરસ મજાનું કલ્પનાસભર ગીત છે.
લયસ્તરોને ૫ મિ જન્મદિન મુબારક
હરિ તમારિ કટ્ટિ ,,,,પરભુથિ ગમે એવિ સ્થિતિ હોય પણ કટ્ટિ તો કરિ
શકિએ જ નહિ,,,
બહુજ મજા આવિ…….
ચન્દ્રા
હરી સાથે રૂસણા લઈ આધુનિક યુગમાં અવતરી જીવવા પડકાર દેતું સુંદર ગીત!
હિતેનભાઈને અભિનંદન!
સુધીર પટેલ.
wah hitenbhai,
khub sunder..pan vans ni takat tame nathi janta..
e to local train may sur chedshe ne bhan bhulavshe..
હિતેનભાઈ ,ભગવાન પણ વિચારતા હશે કે આજનું મહાભારત લડવું
શું સાચે જ અઘરું હશે?ભારે કરી હિતેનભાઈએ!
રમેશ પટેલ(આકાશદીપ)
લયસ્તરોને જન્મદિવસની શુભકામનાઓ, સરસ રીતે હરીસ્મરણ કર્યુ, શ્રી હિતેનભાઈને અભિનદન…..
કવિતા સાથે કેવા મજાના બુચ્ચા!!
લતા હિરાણી
હરિથી આટલાં સરસ રૂસણાં લઈએ તો કવિને હરિનો પ્રેમ મળે પણ
ગુજરાતી ભાષાને એક સરસ મજાનું ગીત મળે.
અભિનંદન હિતેનભાઈ.