(કેમ વીંધી’તી વાંસળીના ગીતે? ફોટો: વેબ પરથી)
મળવાનું મન પહોંચ્યું જોજનવા દૂર તોય ખેંચાતી જાઉં છું પછીતે!
ગોકુળમાં ઓળખેલ શ્યામ, તને દ્વારિકામાં ઓળખી શકીશ કઈ રીતે ?
ઝાંઝર-શાં ઝણઝણતાં ડોલતાં કદંબ, આજ ડોલે તો રણકે છે હીરા!
વનરા તે વન મહીં કાંટાળી બોરડીને ભેટતાંય પડ્યા’તા ચીરા!
કોને કહૌં, સમણામાં તારા એ આરસના ચોકમાંય ચાલતાં શું વીતે ?
તારી સંગાથ ગ્રહ્યો ગોવર્ધન, આજ તારા પીંછનો ભાર પણ ખમાય ના.
ધગધગતો હેમ-રસ વ્હેતો દેખાય એવી જમનાને કાંઠે બેસાય ના !
છેવટે જો રણશિંગાં ફૂંકવાં હતાં તો કેમ વીંધી’તી વાંસળીના ગીતે ?
ગોકુળમાં ઓળખેલ શ્યામ, તને દ્વારિકામાં ઓળખી શકીશ કઈ રીતે ?
મળવાનું મન પહોંચ્યું જોજન-વા દૂર તોય ખેંચાતી જાઉં છું પછીતે.
મજાનું ઊર્મિગીત….
છેવટે જો રણશિંગાં ફૂંકવાં હતાં તો કેમ વીંધી’તી વાંસળીના ગીતે ?
ગોકુળમાં ઓળખેલ શ્યામ, તને દ્વારિકામાં ઓળખી શકીશ કઈ રીતે ?
મળવાનું મન પહોંચ્યું જોજન-વા દૂર તોય ખેંચાતી જાઉં છું પછીતે.
-સરસ ભાવોદ્રેક…
ખરેખર…. ઘણુઁ જ મજાનું ગીત છે…..
દરેકે દરેક શબ્દ સાથે વેદના પ્રગટ થાય છે…
મને લાગે છે આ ગીત કોઇક એ તો સંગીતબધ્ધ કર્યું જ હશે. મને મળે એટલી વાર, આ શબ્દો અને આ જ ચિત્ર - ટહુકો માટે ચોરી લઇશ
મઝાનું ગીત !
સરસ બ્લોગ માટે આપને અને આપના ભાવકોને અભિનંદન. જયશ્રીબહેન, દસેક વરસ પહેલાં આ ગીત સંગીતગબધ્ધ કર્યું હતું, પણ ‘આસોપાલવની ડાળે’ આલબમમાં સમાવી ન શક્યો. કદાચ થોડા સમયમાં નવા આલબમમાં આ ગીત પહેલું હશે. -ઘનશ્યામ ઠક્કર http://ghanshyamthakkar.com/
[...] મૂક્યું હતું, એ પણ તમે જરૂરથી માણજો… મળવાનું મન પહોંચ્યું… હમણાં થોડા દિવસ પહેલાં શ્રી ર.પા.ની એક [...]