લયસ્તરો પર સપ્તપદી વિશેષ અઠવાડિયું ઉજવાઈ રહ્યું છે… અને એ જ ઉજવણીનાં ભાગરૂપે ઊર્મિસાગર.કૉમ પર પ્રસ્તુત છે, ફટાણાં*
સ્પેશ્યલ… :-)
ઓ ચાંદલિયા, ચતુર માને કહેજે આણા મોકલે…
પેલી અમિતા છે કંઈ તરબૂચ જેવી,
કંઈ આમ ગબડે, કંઈ તેમ ગબડે,
ઓ ચાંદલિયા, ચતુર માને કહેજે આણા મોકલે…
પેલી ઉર્જિતા છે કંઈ દૂધી જેવી,
કંઈ વેલે વધે, કંઈ વેલે વધે,
ઓ ચાંદલિયા, ચતુર માને કહેજે આણા મોકલે…
પેલી રૂપલ છે કંઈ કારેલાં જેવી,
કંઈ કડવી લાગે, કંઈ કડવી લાગે,
ઓ ચાંદલિયા, ચતુર માને કહેજે આણા મોકલે…
પેલી વાસ્વી છે કંઈ વેંગણ જેવી,
કંઈ ચરકી લાગે, કંઈ ચરકી લાગે,
ઓ ચાંદલિયા, ચતુર માને કહેજે આણા મોકલે…
પેલી જયશ્રી છે કંઈ મરચાં જેવી,
કંઈ તીખી લાગે, કંઈ તીખી લાગે,
ઓ ચાંદલિયા, ચતુર માને કહેજે આણા મોકલે…
પેલી વૈશાલી છે કંઈ ટેટી જેવી,
કંઈ મીઠી લાગે, કંઈ મીઠી લાગે,
ઓ ચાંદલિયા, ચતુર માને કહેજે આણા મોકલે…
*
યાદદાસ્તમાંથી ફૂટેલું ફટાણું…
* ફટાણાં એટલે લગ્નમાં ગવાતાં વ્યંગગીતો… લગ્ન એ કદાચ એક જ એવો પ્રસંગ હશે કે જેમાં વર-કન્યા બંને પક્ષો એકબીજાને અને થનારાં સગાસંબંધીઓને એમના નામસહિત અપમાનજનક શબ્દો ફટાણાંમાં બિંદાસ્ત રીતે કહી શકે છે, અને એ પણ કોઈનેય ખોટું લાગશે કે કેમ- એવા ડર વિના ! 
(લયસ્તરો પરની સપ્તપદી વિશેષ ઉજવણીનાં ભાગરૂપે)
વાહ વાહ! મઝા આવી ગઈ! આ તમારી કઈ બહેનપણીના લગ્ન છે? નામ તો જાણીતા છે!
ખુબ સરસ
બધી જેવી છે તેવી પણ
ખાઈ જવાય તેવી છે
ફટાણાંના ટાણામાં જોડાવા અમે પણ દરિયાપાર આવી રહ્યા છીએ, હં!
મને તો આ ગીતમાં છેલ્લી છોકરી ગમી. એને હું મારી કને રાખી લઉં છું…
ખુબ જ સરસ!!!!!!!
મજા આવી ગઇ.
સરસ ફટાણાં
બહુ સરસ. ટહુકો ઉપર લગ્નગીતો અને અહીં ફટાણાં! વાહ! મજા આવી ગઈ. સાંભળવાનું પણ સાથે હોત તો વધારે મજા પડત. નવા નવા ફટાણાંઓ દરરોજ આપતાં રહેશો.
excellence ભગુભાઈ
ફટાણા લગ્નગીતો માટે ખુબ આનદદાયી બની રહેતા હોવાથી પ્રસન્ગ પર કામ લાગે અને એ બંને પક્ષ તરફથી ઉદારતાથી એને સ્વિકારી લેવામા જ એની મઝા છે……….સારો ઉપક્રમ, સમયાનુસર. શ્રી ઉર્મિબેન અભિનદન અને આભાર……
મને યાદ રહી ગયેલું આ કદાચ સૌથી પહેલું ફટાણું..! પણ છેલ્લા કેટલાક વર્ષોમાં સાવ ભુલાઇ ગયેલું, જે તમે યાદ કરાવ્યું..! અને હવે તો મને એને રેકોર્ડિંગ સાથે મુકવાની એટલી બધી ઇચ્છા થાય છે ને..! ભવિષ્યમાં કશેથી તો એનું રેકોર્ડિંગ શોધવું જ પડશે.. નહિંતર હું જ થોડી બહેનોને ભેગી કરીને એમની પાસે ગવડાવી લઇશ..!!
આના જેવું જ બીજું એક ફટાણું… જે ખાસ ઘરની વહુઓ માટે ગાવામાં આવે છે…
ભલો હિંડોળો ભલી સોપારી ને સૂડી…
આટલી બધી વહુમાં કઈ વહુ રૂડી ?
આટલી બધી વહુમાં માયા વહુ રૂડી,
કામકાજ કરવું નઈં ને ફરવામાં સૂરી.
ભલો હિંડોળો ભલી સોપારી ને સૂડી…
આટલી બધી વહુમાં કઈ વહુ રૂડી ?
આટલી બધી વહુમાં રીટા વહુ રૂડી,
કામકાજ કરવું નઈં ને પંચાતમાં પૂરી.
ભલો હિંડોળો ભલી સોપારી ને સૂડી…
આટલી બધી વહુમાં કઈ વહુ રૂડી ?
આટલી બધી વહુમાં મીના વહુ રૂડી,
કામકાજ કરવું નઈં ને ટીપટોપમાં સૂરી.
ભલો હિંડોળો ભલી સોપારી ને સૂડી…
આટલી બધી વહુમાં કઈ વહુ રૂડી ?
આટલી બધી વહુમાં યશસ્વિની વહુ રૂડી,
કામકાજ કરવું નઈં ને લડવામાં પૂરી.
ભલો હિંડોળો ભલી સોપારી ને સૂડી…
આટલી બધી વહુમાં કઈ વહુ રૂડી ?
આટલી બધી વહુમાં ઊર્જિતા વહુ રૂડી,
કામકાજ કરવું નઈં ને શોપિંગમાં સૂરી.
ભલો હિંડોળો ભલી સોપારી ને સૂડી…