(ચોમાસું ક્યાંક આસપાસ છે… ફોટો: વેબ પરથી…)
આંખોમા બેઠેલા ચાતક કહે છે, મારું ચોમાસું ક્યાંક આસપાસ છે;
ગાલો પર લજ્જાની લાલી ફૂટ્યાનું કોઈ કારણ પૂછે તો કહું ખાસ છે.
કોરી કુંવારી આ હાથની હથેળીમાં માટીની ગંધ રહી જાગી;
તરસ્યા આ હોવાના કોરા આકાશમાં આષાઢી સાંજ એક માંગી.
વરસાદી વારતાઓ વાંચી વાંચીને હવે ભીજાવું એ તો આભાસ છે;
ગાલો પર લજ્જાની…
આંખોમા બેઠેલા…
કોરપની વેદના તો કેમે સહેવાય નહીં રૂંવે રૂંવેથી મને વાગે;
પહેલા વરસાદ તણું મધમીઠું સોણલું રહી રહીને મારામાં જાગે.
નસનસ આ ફાટીને વહેવા ચહે છે, આ તે કેવો આષાઢી ઉલ્લાસ છે;
ગાલો પર લજ્જાની…
આંખોમા બેઠેલા…
* * *
‘હસ્તાક્ષર’ના છ ભાગમાંથી કયું ગીત મને સૌથી વધુ સ્પર્શી ગયું છે એમ કોઈ પૂછે તો નિમિષમાત્રનો વિલંબ કર્યા વિના હું આ ગીત પર આંગળી મૂકું. કવિતાની દૃષ્ટિએ ઉત્તમ ગીત, સ્વરબદ્ધતાની નજરે શ્રેષ્ઠ અને ગાયકી જુઓ તો એ પણ બેમિસાલ… હસ્તાક્ષરની MP3 ગાડીમાં વાગતી હોય ત્યારે આ ગીત જેટલીવાર રસ્તામાં આવે, છ-સાતવાર એકધારું સાંભળું નહીં ત્યાં સુધી ચેન પડતું નથી….
[...] બાદ મારી એક ખૂબ જ પ્રિય રચના ‘આંખોમાં બેઠેલા ચાતક કહે છે મારું ચો…ખૂબ જ મોહક રીતે રજૂ કરી. શ્રી હરીન્દ્ર [...]
audio link kya ??
જયશ્રી કૃષ્ણ ઉર્મિબેન્,
આ રચના તો મારી પણ ખૂબ જ પ્રિય છે અને હાં પિન્કી બેન જો તમારે આ ગીત સાંભળવુ હોય તો મારા બ્લોગ
મનનો વિશ્વાસ http://drmanwish.wordpress.com ના boxnetના widgetમાં ગૂંજતુ કરેલ છે.
આંખોમા બેઠેલા ચાતક કહે છે, મારું ચોમાસું ક્યાંક આસપાસ ;
જોઇએ છે.કઇ રિતે દૌન્લોડ કરુ.મને બતાવો.અને વૅબસાઇટ નુ નામ પન આપો.