ડિસેમ્બર 2008માં પ્રજ્ઞાબેનનાં 3 પુસ્તકો અને એક સંગીત-આલ્બમ ‘સાતત્ય’નું સૌપ્રથમ વિમોચન થયું હતું.  પરંતુ ત્યારે ‘સાતત્ય’ની સીડીનું કામ હજી પૂર્ણ ન્હોતું થયું એટલે વિતરણ કરવાનું બાકી જ રહ્યું હતું.  આજે રાત્રે સુરત ખાતે ગાંધી-સ્મૃતિ ભવનમાં એ ‘સાતત્ય’નું વિતરણ થવા જઈ રહ્યું છે.  અને એ બહાને સાતત્ય-વિતરણ સમારોહમાં આપણા મેહુલભાઈ અને એમનાં સાથીદારો ખૂબ જ મજાનો સંગીતનો જલસો પણ કરાવવાનાં છે.  જો કે  આપણે આટલે દૂરથી એને ક્યાં માણવા જવાનાં હતા… એટલે આપણા જલ્સાનો બંધોબસ્ત આ રહ્યો !  આજે આપણે ‘સાતત્ય’માંની એક ગઝલ મેહુલનાં સુમધુર સંગીત સાથે અને પાર્થિવનાં કર્ણપ્રિય સ્વરમાં માણીએ.  આ ગઝલનું કમ્પોઝિશન એટલું સરસ થયું છે કે એને વારંવાર સાંભળવા માટે તમારું મન પણ જરૂર લલચાશે…!  અને આ સાંભળતા સાંભળતા મને તો કવ્વાલીની પણ યાદ આવી ગઈ… :-)

saatatya-invitation

સંગીત: મેહુલ સુરતી 
સ્વર: પાર્થિવ ગોહિલ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

પ્રેમને વિસ્તારવાનું સહેજ પણ સહેલું નથી,
નફરતોને નાથવાનું સહેજ પણ સહેલું નથી.

દુશ્મનોની ભીડમાં એક દોસ્તને જોયા પછી,
દોસ્તી નિભાવવાનું સહેજ પણ સહેલું નથી.

ભીતરે ડૂમો છુપાવી ક્યાં સુધી હસવું ભલા !
રોતી આંખે બોલવાનું સહેજ પણ સહેલું નથી.

ક્યાં છે અઘરું ન્યાય કરવું આંખે પાટા બાંધીને,
જુલ્મને સહેતા જવાનું સહેજ પણ સહેલું નથી.

-પ્રજ્ઞા વશી

મને તો લાગે છે કે પ્રેમને વિસ્તારવાનું તો કદાચ થોડું સહેલુંયે છે, પરંતુ નિભાવવાનું સહેજ પણ સહેલું નથી !   (આખી ગઝલનાં શબ્દો મળતાં તરત જ હું અહીં મૂકી દઈશ.)

વિમોચન વખતે મૂકેલી ડેલીએ આવે તો  રચના પણ ફરીથી માણવા જેવી છે…!