આજકાલ ભારતમાં ચૂંટણીની હવા ફૂંકાઈ રહી છે. આપણે સૌ ભારતીયો ગંદા રાજકારણને સુધારવાની કાયમ વાત કરતા હોઈએ છીએ. એ જ રાજકારણ અને નેતાઓને બદલવાનો મોકો દરેક નાગરીક પાસે છે જ, મતદાન ! પરંતુ જ્યારે ચૂંટણીમાં મત આપવાની વાત આવે ત્યારે સાવ નિરાશાવાદી વલણ અપનાવીએ છીએ… કે આપણા એક મતથી શું થવાનું હતું? પરંતુ જેમ કાંકરે કાંકરે પાળ બંધાય અને ટીપે ટીપે સરોવર ભરાય, એવી રીતે એક એક મતથી જ તો આપણી લોકશાહીમાં પણ ક્રાંતિ આવી શકે છે. અને આવા નહીં અપાયેલાં એક એક મતોની સંખ્યા કેટલી હશે એ કદી આપણે વિચાર્યું છે ખરું? બની શકે કે એ નહીં અપાયેલા મતો જ રાજકારણનો આખો ઈતિહાસ બદલવા માટે સમર્થ હોય…! પરંતુ જ્યાં સુધી મત આપશો નહીં ત્યાં સુધી આપણને કેમ ખબર પડશે…?! તો દરેક નાગરીકને મત આપવા માટે ઉત્સાહિત કરવા માટે મુકુલ-મેહુલની જોડીએ સૌને મતદાન કરવાની પ્રેરણા આપવા માટે એક અભિયાન હાથ ધર્યુ છે… લાઈન લગાવો…! તો ચાલો મિત્રો, અત્યારે આ ગીતને સાંભળવા માટે તો તમારે લાઈન લગાવવાની બિલકુલ જરૂર નથી… પરંતુ હા, એપ્રિલની 30મી તારીખે મતદાન કરવા માટે તો તમે જરૂર લાઈન લગાવશો ને?!
[youtube]http://www.youtube.com/watch?v=D8PQtPgSaFk [/youtube]
*
હિન્દુસ્તાનના ભાવિને ઊંચે લઈ જઈએ આવો,
ચૂંટવાની તાકાતથી રંગી નાખો સૌ ચુનાવો.
લાઈન લગાવો…
લાંબી લાંબી લાંબી લાંબી લાંબી લાઈન લગાવો,
બૂથોને છલકાવી દઈ મતદાનની ધુમ મચાવો.
લાઈન લગાવો…
એક બટન દાબીને આખે આખો દેશ બચાવો,
લોકશાહીના માથા પર મતનું એક તિલક લગાવો.
મતનું એક તિલક લગાવો…….!
* આ વિડીયો બનાવવા માટેની મહેનત કરનાર ટીમ…*
પરિકલ્પના અને શબ્દો: મુકુલ ચોકસી
સંગીત : મેહુલ સુરતી
દિગ્દર્શક : યુનુસ પરમાર
કેમેરા : નીલેશ પટેલ
એડિટર : અમિત ભગત
ગાયકો: મેહુલ, ભાવિન, આશિષ, રૂપાંગ, નૂતન, ધ્વનિ
સોંગબર્ડ ફિલ્મ ડિવિઝન,
સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રીઝ
અને
સિનિયર સિટિઝન કાઉન્સિલ ટ્રસ્ટની પ્રસ્તુતિ
*
આ ગીત સાંભળી સાંભળીને તો મને ય મત આપવા જવાનું મન થઈ ગયું… પણ મારો અમેરીકન પાસપોર્ટ જોઈને તો મને કોઈ એ લાઈનમાં ઊભાય ના રહેવા દે ! 
સારું ગીત છે. વિડીયો પણ સારી છે. પ્રયાસ ઘણો ઉત્તમ છે.
સાંપ્રત સમયને અનુરૂપ મઝાનો વીડીયો-સુંદર ગીત
This kind of awareness is needed for Democracy to work and elect right leaders - now each person running for office should have their real Resume published if corrupt should be exposed so people VOTE for good people!
Good Work! Keep it up!
Someone made a good comment that “People of India have spent half of their life standing in lines!!!”
સરસ ગીત અને મનભાવન પરિક્લ્પના અને વળી મારા સુરતના કવિ અને ગાયક્વ્રુન્દની એટલે વિશેષ આનદ થયો સમગ્ર ટીમને અભિનદન અને ઊર્મિબેન તમારો આભાર આજ્થી જ ઈલેક્શન પ્રક્રિયાનો આરમ્ભ થયો છે ત્યારે………… ૧૫/૦૪/૨૦૦૯
Keep UP the good work !!
ઉર્મિદીદી,મજા આવી ગઇ.
એક બટન દાબીને આખે આખો દેશ બચાવો,
લોકશાહીના માથા પર મતનું એક તિલક લગાવો.
મતનું એક તિલક લગાવો…….! આફ્રિન્..
વડાપ્રધાન બનવાની લાઈન લાગી છે ,
એમાંથી better option માટે આપણે લાઈન લગાવવી રહીને..!!
સરસ ગીત મજા આવી ગયી.
સરસ મઝાનુ ઓડિયો….. સરસ મઝાનુ ગીત … ખરેખર મઝા આવી ગઈ… આજના સમયની તાતી જરુર … … નટુ સોલંકી
આજ ના સમયનુ અત્યન્ત જરુરી ગીત. અતિ સુન્દર.
દિલીપ ચેવલી.