(બાલ્કનીમાં ગ્રીનરી…)
જોઈએ છે એક ઝાડ!
જેની ડાળી પર પંખીઓના માળા
ન હોય તો ચાલશે,
પણ એ પાનખર-પ્રૂફ હોવું જોઈએ!
બારેમાસ લીલું ને લીલું રહેતું હોય એવું-
ઊચું-બીજા માળે આવેલા ફલેટની
મારી બાલ્કની સુધી પહોંચી શકે એટલું!
અને ઘટાદાર પણ જોઈએ જ,
જેનાથી બાલ્કનીનો વ્યૂ તો સુધરી જ જાય
પણ જેને બતાવીને
અંગ્રેજી મીડિયમમાં ભણતા દીકરાને
ગ્રીનરી પર એસે પણ લખાવી શકાય!
- એષા દાદાવાળા
એષાનું કાવ્ય હોય અને એ ધારદાર ન હોય, એ વાતમાં માલ નથી…! 
વાત ઝાડની છે પણ આડકતરી રીતે આપણી ભાષાનું વૃક્ષ મૂળથી ઊખડી જાય છે એની તરફનો ઈશારો છે… સુ.દ. દ્વારા આ કાવ્યનો આસ્વાદ ખૂબ જ સુંદર અને ખરેખર માણવા લાયક છે.
તાજેતરમાં એષાનો ‘વરતારો’ નામનો કાવ્યસંગ્રહ પણ પ્રગટ થયો છે. એષાની અન્ય કવિતાઓ અહીં માણી શકો છો અને એના અવાજમાં સાંભળી પણ શકો છો…
ધારદાર રજુઆત, સરસ રચના….
-’ઈશ્ક’પાલનપુરી
અંગ્રેજી મીડિયમમાં ભણતા દીકરાને
ગ્રીનરી પર એસે પણ લખાવી શકાય!
અસરકારક અભિવ્યક્તી
ટૂંકું અને ધારદાર… ટિપીકલ એષા દાદાવાળા…
સ-રસ !
સુંદર કાવ્ય. આજકાલ અને ભૂતકાળમાં આપણે વૃક્ષોનું નિકંદન કાઢી નાંખ્યુ છે તેની વ્યથા દેખાય છે.એષાજીએ એક વૃક્ષ હોય કહીને વ્યથાને વાચા આપી છે.ઈંગ્લીશ મિડીયમ તરફ ઈશારો કરીને માતૃભાષાના ભવિષ્ય પ્રત્યેની આશંકા ધારદાર રીતે રજૂ કરી છે.અભિનંદન.
સરસ કાવ્ય્
સરસ!
એષાબેન સુરતના અને ઝાડને અને કાયમી ગ્રીનરીની વાત હાઈરાઈઝના વનમા કરીને સરસ કાવ્યનો આસ્વાદ કરાવવા બદલ આનન્દ થઈ ગયો, અભિનદન અને આભાર
સરસ કાવ્ય.
સરસ
Dada,
Zaaakassssssssssssshh
સુરતમાં હમાણાંજ ‘ગુજરાતી બચાવો આંદોલન’ અંતર્ગત કાવ્ય પઠનમાં એષાબેનના મુખે આ સરસ રચના સાંભળવા મળેલી. જેટલી ઉત્તમ અછાંદસ રચનાઓ લખે છે તેટલું જ સરસ તેમનું પઠન હોય છે. અભિનંદન.
સુંદર રચના વાંચી..સાથે એષાના અવાજમાં, પપ્પા ખોવાયા છે પણ સાંભળી…
મનપસંદ રચનાઓમાં ભાગીદાર
આ રચના બદલ ઉર્મિનો આભાર..