July 25, 2010 at 10:00 pm | ઓડિયો, કાંતિ અશોક, ગીત, મન્ના ડે, મહેશ-નરેશ કનોડિયા
- Posted by ઊર્મિ |
ગુરુપૂર્ણિમાની મોડી મોડી શુભેચ્છાઓ…
સંગીત : મહેશ-નરેશ કનોડિયા
સ્વર : મન્ના ડે
ફિલ્મ : તાનારીરી (૧૯૭૫)
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ગુરુચરણોની હું રજકણ છું,
ગુરુ ગોવિન્દ વિના કોઈ બીજી
ઝીલે ન છાયા એ દર્પણ છું.
ગુરુચરણોની…
ચાલુ હું તમને સથવારે,
બાંધેલી લયના અણસારે;
તાલ ચૂકી ને તૂટી પડેલું,
ગીતગંગાનું હું આભૂષણ છું.
ગુરુચરણોની…
જ્યોતિ જેવું ચલુ અંધારે,
અજવાળે અટવાવું મારે;
તેજ તિમિરને તાણે વાણે,
ગૂંચવાયેલું ચંદ્રકિરણ છું.
ગુરુચરણોની…
-કાંતિ અશોક
August 31, 2008 at 1:00 am | ગીત, ગુજરાત, જયંતિ જોષી, મન્ના ડે, રમેશ ગુપ્તા, સંગીત
- Posted by જયશ્રી |
આજે… વિશ્વ ગુજરાતી પરિષદનાં ત્રીજા એટલે કે છેલ્લા દિવસે આ ગીત મારા તરફથી… આપણા સૌ તરફથી ઊર્મિ અને આયના ટીમ માટે…
કવિઃ રમેશ ગુપ્તા
ગાયકઃ મન્ના ડે
સંગીતઃ જયંતિ જોષી
Year: 1960
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આજ બાપુની પુણ્યભૂમિ પર ઉગ્યું સ્વર્ણ પ્રભાત
જય ગુજરાત…., જય જય જય ગરવી ગુજરાત
જય સોમનાથ, જય દ્વારકેશ, જય બોલો વિશ્વના તાતની
સ્વર્ણ અક્ષરે લખશે કવિઓ યશગાથા ગુજરાતની
યશગાથા ગુજરાતની, આ ગુણવંતી ગુજરાતની, જય જય ગુજરાતની…
ભક્ત સુદામા અને કૃષ્ણના મિત્રભાવ ભુલાય નહિં
વૈષ્ણવજન તો તેને કહીએ નરસૈયો વિસરાય નહિં
જય દત્ત દિગંબર ગિરનારી, જય બોલો કાળીકામાતની
સ્વર્ણ અક્ષરે લખશે કવિઓ …
અમર ભક્ત વીરોની ભૂમિ જેના ગુણ ગાતું સંસાર
રાજાઓના તાજ મુકાવ્યા ધન્ય વીર વલ્લભ સરદાર
જય દયાનંદ જય પ્રેમાનંદ જય બોલો બહુચરામાતની
સ્વર્ણ અક્ષરે લખશે કવિઓ …
દલપત નાન્હાલાલ દયાના મધુર કાવ્ય ભુલાય નહિ
મેઘાણીની શોર્ય કથાઓ અંતરથી વિસરાય નહિ
અમર કાવ્ય નર્મદના ગુંજે જય જય અંબે માતની
સ્વર્ણ અક્ષરે લખશે કવિઓ …
મળ્યા તેલ ભંડાર દ્રવ્યના, ભિષ્મપિતાની બલિહારી
ધન્ય ધન્ય ગુજરાતની ભૂમિ, થયા અહીં બહુ અવતારી
જય સાબરમતી, જય મહિ ગોમતી સરસ્વતી, બોલો નર્મદામાતની
સ્વર્ણ અક્ષરે લખશે કવિઓ …
હિંદુ મુસ્લિમ વોરા પારસી હળીમળી સૌ કાર્ય કરે
સૃષ્ટિને ખૂણે ખૂણે ગુજરાતી જન વ્યાપાર કરે
જય સહજાનંદ જય જલારામ જય મહાવીર દાતારની
સ્વર્ણ અક્ષરે લખશે કવિઓ …
અમર ભક્ત બોડાણો કલાપી મહાદેવ દેસાઇ
દાદાતૈયબજી કસ્તુરબા પટેલ વિઠ્ઠલભાઇ
આજ અંજલી અમર શહીદોને અર્પો ગુજરાતની
સ્વર્ણ અક્ષરે લખશે કવિઓ …
શ્રમ પર શ્રમ કરનારા માનવની આ ધરતી ન્યારી
સત્ય શાંતિ અને અહિંસાના મંત્રો દેનારી
શ્રમ સેવાની કરો પ્રતિગ્ના ઉગી ઉષા વિરાટની
સ્વર્ણ અક્ષરે લખશે કવિઓ …
