March 5, 2010 at 9:00 pm | ગઝલ, ગની દહીંવાલા, નિગમ ઉપાધ્યાય, ભરત પટેલ
- Posted by ઊર્મિ |
આજે ગનીચાચાની પૂણ્યતિથિએ એમને સાદર શ્રદ્ધાંજલી સાથે સાંભળીએ એમની મને ખૂબ જ ગમતી ખૂબ જ જાણીતી ગઝલ…
(સૂરજ સુધી ગયો છું… ફોટો: વેબ પરથી)
સંગીત : ભરત પટેલ
ગાયક : નિગમ ઉપાધ્યાય
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ન તો કંપ છે ધરાનો, ન તો હું ડગી ગયો છું,
કોઈ મારો હાથ ઝાલો, હું કશુંક પી ગયો છું.
જો કહું વિનમ્રભાવે તો સૂરજ સુધી ગયો છું,
કે નજરનો તાપ જોવા હું નયન લગી ગયો છું.
હતો હું ય સૂર્ય કિન્તુ ન હતી તમારી છાયા,
ઘણીવાર ભરબપોરે અહીં આથમી ગયો છું.
આ હૃદય સમો તિખારો છે દઈ રહ્યો ઈશારો,
કોઈ કાળે સૂર્યમાંથી હું જુદો પડી ગયો છું.
નથી કંઈ પ્રયાણ સરખું અને પથ કપાઈ ચાલ્યો,
નથી કાફલાની હસ્તી અને હું ભળી ગયો છું.
બહુ રાહતે લીધા છે મેં પસંદગીના શ્વાસો,
ન જિવાયું દર્દરૂપે તો સ્વયં મટી ગયો છું.
‘ગની’ પર્વતોની સામે આ રહ્યું છે શીશ અણનમ,
કોઈ પાંપણો ઢળ્યાં ત્યાં હું ઝૂકીઝૂકી ગયો છું.
- ગની દહીંવાલા
(સૌજન્ય: ઓડિયો આલ્બમ માટે ‘ગુજરાતી સુગમ સંગીત ફાઉન્ડેશન’ - શ્રી લલિત શાહનો ખાસ આભાર)
March 1, 2010 at 11:00 am | ગીત, રંગોત્સવ, વસંત, હિતેન આનંદપરા, હોળી-ધુળેટી
- Posted by ઊર્મિ |
સૌ મિત્રોને ધૂળેટીની રંગબેરંગી શુભેચ્છાઓ…
(આવ, તને હુ રંગી નાખું… ફોટો: વેબ પરથી)
આવ, તને હુ રંગી નાખું મારા રંગે
લાગણીઓની છાલક એવી મારૂં
અડતાવેંત જરીમાં પ્રસરે લાલી લાલી
તારા આખા અંગે
લે પીચકારી છપાક દઈ છૂટી કે,
આ કેસરિયા પાણીમાં પૂર અચાનક
ગુલાલ છોયી શરમ પછેડી તાણી નીકળે
કોની છે મગદૂર ચડે જે સામે જંગે
હોળી હરેક વર્ષે આવે, આ વર્ષે પણ આવી.
તો આ નવા ફૂટેલા ઝરણા જેવું આખર શું છે?
પહેલાની હોળીતો સાવ જ એકલપેટી ઓસરતી
ને આ વેળામાં ફેર ગણું તો સાથે તું છે
એકલ દોકલ ભીંજાવાની વાત જુદી
ને વાત જુદી કંઈ ભીજાવાની તારી સંગે
આવ તને હું રંગી નાખું મારા રંગે !
-હિતેન આનંદપરા
(સૌજન્ય: ગુજરાત સમાચાર)
February 28, 2010 at 8:00 am | ઓડિયો, કૃષ્ણગીત, ગીત, રંગોત્સવ, વસંત, સુરેશ દલાલ, હોળી-ધુળેટી
- Posted by ઊર્મિ |
સૌ મિત્રોને હોળીની ઝળહળતી શુભકામનાઓ…
સંગીત: ક્ષેમુ દિવેટીયા
સ્વર: ?
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આજ મારા હૈયામાં ફાગણનો ફોરમતો ફાલ રે,
પિચકારી મારો નહીં ગિરીધારીલાલ રે.
તારા તે કાળજાને કેસૂડે લાલ-લાલ
ઝૂલે મારા અંતરની ડાળ,
રોમ આ રંગાય મારું તારી તે આંખનાં
ઉડતા અણસાર ને ગુલાલ;
રાધિકાનો રંગ એક તારું તે વ્હાલ રે,
પિચકારી મારો નહીં ગિરીધારીલાલ રે.
મીઠેરી મુરલીના સૂર તણી ધાર થકી
ભીનું મારા આયખાનું પોત,
અંતર ને આંખના અબીલ ગુલાલની
આજ લાગી વ્હાલી મને ચોટ;
રાધિકાનો રંગ એક તારું તે વ્હાલ રે,
પિચકારી મારો નહીં ગિરીધારીલાલ રે.
- સુરેશ દલાલ
February 27, 2010 at 10:00 am | કવિ રત્ના, કૃષ્ણગીત, ગીત, રંગોત્સવ, વસંત, હોળી-ધુળેટી
- Posted by ઊર્મિ |
(ફાગણ આવ્યો હે સખી… ફોટો: વેબ પરથી)
ફાગણ આવ્યો હે સખી, કેસૂ ફુલ્યાં રસાળ
હૃદે ફુલી ન રાધિકા, ભ્રમર કનૈયાલાલ
સઘળો શિયાળો વહી ગયો, આવ્યો ફાગણ માસ
અંતરમાં અતિ ઉપજે, હોળી રમવાની આશ
વસંત વધાવવાને હું જતી, કુમકુમ ભરીને કચોળ
કેસરી સાળુ રે પ્હેરવા, મુખ ભરી તંબોળ
અબીલ-ગુલાલ ઉડે ઘણાં, વાગે તાલ મૃદંગ
કોકિલ શબ્દ સોહામણા, કંપે અબળાનું અંગ!
-કવિ રત્ના
(સૌજન્ય: ગુજરાત સમાચાર)
February 26, 2010 at 12:00 pm | ગીત, પ્રિયકાન્ત મણિયાર, રંગોત્સવ, વસંત, હોળી-ધુળેટી
- Posted by ઊર્મિ |
છેલછબીલે છાંટી છેલછબીલે છાંટી
જમુના જલમાં રંગ ગુલાબી વાટી….
અણજાણ એકલી વહી રહી હું મુકી મારગ ધોરી
કહીં થકી તે એક જડી ગઈ હું જ રહેલી કોરી
શ્રાવણના સોનેરી વાદળ વરસ્યા ફાગણ માસે
આજ નીસરી બહાર બાવરી એ જ ભૂલ થૈ ભાસે
તરબોળ ભીંજાણી થથરી રહું, હું કેમ કરીને છટકું
માધવને ત્યાં મનવી લેવા, કરીને લોચન-લટકું
જવા કરૂં ત્યાં એની નજરથી અંતર પડતી આંટી
છેલછબીલે છાંટી!
-પ્રિયકાંત મણિયાર
(સૌજન્ય: ગુજરાત સમાચાર)
February 25, 2010 at 10:00 pm | ગીત, રંગોત્સવ, રાજેન્દ્ર શાહ, વસંત, હોળી-ધુળેટી
- Posted by ઊર્મિ |
(ફરી ફરી ફાગુન આયો… )
ફરી ફરી ફાગુન આયો રી
મંજરીની ગંધ, પેલા કિંશુકનો રંગ,
કોકિલ કેરો કંઠ
હોજી માટો જીવ લુભાયો રી!
દુનિયા કેરા ચોકમાં આજે કોણ છોરી, કોણ છેલ?
ગાનમાં ઘેલા, રંગમાં રોળિયા, રમતા રે અલબેલ!
હો સાંવર થોરી અંખિયનમેં જોબનિયું ઝૂકે લાલ,
મોરી ભીંજે ચુંદરિયા, તું ઐસો રંગ ન ડાલ
હો સાંવર લીની કેસર ઝારી, મૈને લીનો ગુલાલ
હો બાજે ઢોલક ડફ બાંસુરિયા, વસંતરો રત ગાવૈરી
હો કોઈ કિસીકી સુન નહિ પાવૈ, અપની ઘૂન મચાવૈરી
હો રંગરંગમેં હિલમિલ રૂમઝૂટ ખેલત ભયે નિહાલ!
-રાજેન્દ્ર શાહ
(સૌજન્ય: ગુજરાત સમાચાર)
February 14, 2010 at 1:00 am | ઓડિયો, ગીત, મનહર ઉધાસ, મહેન્દ્ર વ્યાસ ‘અચલ’, વસંતોત્સવ
- Posted by ઊર્મિ |
સૌ મિત્રોને વેલેન્ટાઈન્સ ડેની ખૂબ ખૂબ પ્રેમભરી શુભેચ્છાઓ…
(અંતરમાં આ શીતળ અગનને કોઈ ભરી તો જાણે… ફોટો: વેબ પરથી)
સંગીત અને સ્વર : મનહર ઉધાસ
આલ્બમ : આકૃતિ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
કોઈ પ્રીત કરી તો જાણે !
અંતરમાં આ શીતળ અગનને કોઈ ભરી તો જાણે ! કોઈo
દિવસ ઊગ્યે બેચેન રહેવું,
રાત પડ્યે મટકું ના લેવું,
ખોવાયા ખોવાયા જેવી,
પળપળને વિસરાવી દેવી;
જીવતેજીવત આમ જીવનમાં કોઈ મરી તો જાણે ! કોઈo
દુનિયાની તીરછી દૃષ્ટિમાં,
વેધક વાણીની વૃષ્ટિમાં,
મસ્ત બનીને ફરતા રે’વું,
મનનું કૈં મન પર ના લેવું;
ખુલ્લે પગ કંટકભર પથ પર કોઈ ફરી તો જાણે ! કોઈo
મોજાંઓની પછડાટોથી,
ઝંઝાનિલના આઘાતોથી,
નૌકા જ્યાં તૂટી પણ જાયે
સાગર જ્યાં રૂઠી પણ જાયે;
એવા ભવસાગરમાં ડૂબી કોઈ તરી તો જાણે !
કોઈ પ્રીત કરી તો જાણે !
-મહેન્દ્ર વ્યાસ ‘અચલ’
(સૌજન્ય: લયસ્તરો)
પ્રેમ વિશે આપણે આજ સુધીમાં જે જે કંઈ ધાર્યું છે- શીતળ અગ્નિ, દિલનું ચેન ને રાતની ઊંઘનું હરાઈ જવું, મરીને જીવવું, ડૂબીને તરવું- એ બધી જ અભિવ્યક્તિઓ અહીં એક સાથે દરિયાના મોજાંની જેમ ભરતીએ ચડી આવી છે. પણ જે મજા અહીં છે એ આ ગીતના લયની છે, સંગીતની છે. વાંચતાની સાથે આ ગીત ગણગણાઈ ન જાય તો વાંચવાની રીત ખોટી એમ જાણજો… (આસ્વાદ: વિવેક ટેલર)
February 13, 2010 at 8:00 am | ઓડિયો, મુકેશ, વસંતોત્સવ
- Posted by ઊર્મિ |
મારું અતિપ્રિય ગીત…
(તમારું સ્મરણ છે તમારાથી પ્યારું… ફોટો: વેબ પરથી)
સંગીત: ?
સ્વર : મુકેશ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
પ્રીતિનું પુષ્પ ખીલે છે ઘડીભરની જુદાઈમાં,
અજંપો લાગતો મીઠો મીઠો પ્રીતની સગાઈમાં.
આવો તોયે સારુ, ન આવો તોયે સારુ,
તમારું સ્મરણ છે તમારાથી પ્યારુ.
આવો ને જાઓ તમે ઘડી અહીં ઘડી તહીં,
યાદ તો તમારી મીઠી અહીંની અહીં રહી;
મોંઘું તમારાથી સપનું તમારું,
તમારું સ્મરણ છે તમારાથી પ્યારુ.
મિલનમાં મજા શું ? મજા ઝુરવામાં…
બળીને શમાના પતંગો થવામાં;
માને ના મનાવ્યુ મારું હૈયું નઠારું,
તમારું સ્મરણ છે તમારાથી પ્યારુ.
આવો તોયે સારુ, ન આવો તોયે સારુ,
તમારું સ્મરણ છે તમારાથી પ્યારુ.
- કવિ ?
February 12, 2010 at 12:30 am | અવિનાશ વ્યાસ, ઉષા મંગેષકર, ઓડિયો, મહેન્દ્ર કપૂર, વસંતોત્સવ
- Posted by ઊર્મિ |
ગઈકાલે રમેશભાઈ ગુપ્તાએ પ્રીતડી બાંધતા પહેલા મનને ખૂબ વિચાર કરવાની સલાહ આપી… પરંતુ આજના ગીતનાં કવિ (?) તો કહે છે આ પ્રીતડી બાંધવાથી કદી બંધાતી નથી… એ તો બસ એની મેળે જ બંધાઈ જાય છે. બિલકુલ પેલા હિન્દી ફિલ્મનાં એક ગીતમાં કહ્યું છે એમ જ, કે - પ્યાર કિયા નહીં જાતા, હો જાતા હૈ; દિલ દિયા નહીં જાતા, ખો જાતા હૈ… 
(દિલડાને જંપ હવે તારા વગર નથી… ફોટો: વેબ પરથી)
સંગીતઃ અવિનાશ વ્યાસ
સ્વર: ઉષા મંગેશકર અને મહેન્દ્ર કપુર
ફિલ્મ: જનમ જનમના સાથી
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
પ્રીતડી બાંધતા રે બંધાય ના,
બંધન જન્મોજનમના ભૂલાય ના;
લખ્યું લલાટનું ના ભૂંસાય,
કે પ્રીતડી બાંધતા રે બંધાય ના.
સપનાં રોળાઈ ગયા, કાળજ કોરાઈ ગયા,
તારી જુદાઈમાં મનથી રુંધાઈ ગયા;
ઓ વ્હાલમા, તડકો ને છાંયો જીવન છે- નાહક મૂંઝાઈ ગયા.
કે પ્રીતડી બાંધતા રે બંધાય ના.
નયને નિંદર નથી, ક્યાં છું ખબર નથી,
દિલડાને જંપ હવે તારા વગર નથી;
ઓ વ્હાલમા, સંસારી ઘુઘવતા સાગરે ડુબવાનો ડર નથી.
કે પ્રીતડી બાંધતા રે બંધાય ના.
તારી લગન લાગી, અંગે અગન જાગી,
વિયોગી તારલીનું ગયું રે મન ભાંગી;
ઓ વ્હાલમા, વસમી વિયોગની વાટમાં લેજો મિલન માંગી.
કે પ્રીતડી બાંધતા રે બંધાય ના.
-કવિ ?
February 11, 2010 at 3:00 pm | ઓડિયો, ગીત, મુકેશ, રમેશ ગુપ્તા, વસંતોત્સવ
- Posted by ઊર્મિ |
(મનડાં કરજે ખૂબ વિચાર… ફોટો: વેબ પરથી)
સંગીતઃ જયંતી જોશી
સ્વર: મુકેશ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
પ્રીતડી બાંધતાં રે મનડાં કરજે ખૂબ વિચાર,
સુંદર મુખની મધુરી વાણી સત્ય નથી તલભાર;
પ્રીતડી બાંધતાં રે મનડાં કરજે ખૂબ વિચાર.
કરમાં વાગતી વીણા તારી તાલ-બેસૂરી થાશે,
મધુર મિલનનાં મધુર ગીતડાં તાલ-વિરહ બની જાશે;
પાછા સંધાતા નવ જોયા મેં વીણાનાં તાર…
પ્રીતડી બાંધતાં રે મનડાં કરજે ખૂબ વિચાર.
દિલનો દાવ લગાવ્યાં પહેલા પારખજે ખેલાડી,
ખેલાડી જો ચપળ હશે તો નહિ ચાલે તારી ગાડી;
મધદરિયે છોડીને તુજને ચાલ્યો જાશે પાર…
પ્રીતડી બાંધતાં રે મનડાં કરજે ખૂબ વિચાર.
વગર વિચાર્યું કરે માનવી, ભૂલ કરી પસ્તાય,
ગયો સમય પાછો નવ આવે, રુદન કરે શું થાય !
માટે ચેતાવું પહેલાથી તુજને વારંવાર…
પ્રીતડી બાંધતાં રે મનડાં કરજે ખૂબ વિચાર.
-રમેશ ગુપ્તા
